كفايه حب ووجع قلب وشيل هم

من طرف **خاشعة لله** 20/12/2010, 5:30 pm

كفايه حب ووجع قلب وشيل هم

كفايه ألم وتعب وجرح واهآآآآت ماتتلم

كفايه دمع والسهر على ضئ الشمع وطريق بلا مرسا ولا علم

مره عتاب ومره فراق ومره ضحكه ومره دمعه وشوق وورقه وقلم

ناس كتيره عايشه من غير حب ووجع قلب وشيل هم

اخد ايه من الحب غير جرح

ايه كان نصيب غير تبدل الحزن فرح

حبيته واديته من الهنااا بزياده من غير قسمه ولا طرح

كنت بخاف اقول كلمه تزعله منى

كان كل همى احس انه بيحضنى

كداب لما قال انه من السعاده مش هيحرمنى

اهو حرمنى وخسرت انا نفسى وبعد عنى

كل ما ادعى عليك بلسانى قلبى يقول بعد الشر

قلبى بيدعيلك ويقول يارب حبيبى ابدا ما ينضر

مش كفايه اللى عملته فيا بس اقول ايه اللى يحب مايكره

فاكر الماضى وفاكر وعوده ومستنيه زى ما انا مستنى بكره

قاسى عليا حبيبى وراح وهاجرنى

هنت عليه وهانت ايامى وبكل قسوه دمرنى

حبيبى خسر حب وحنان وقلب حبه وخسرنى

كل دمعه نزلت من عنيا بتدعى عليك

كل ليله من الليالى فى السهر مشتاقه ليك

كل كلمه وهمسه ولمسه نفسها فيك

من يوم رحيلك وانا بدور فى كل الشوارع والحوارى يمكن الاقيك

بس لو لقيتك يعنى هعمل ايه

مهو انت اللى بعت الحب وبجزمتك دوست عليه

قلبى مش عارف ينساك

عنيا عايشه على زكراك

روحى وفرحتى وايامى مستنيا لقاك

افتكر حتى ولو يوم كان حلو معاك

حبيبى قلبى لسه بيتمناك

من رغم جرحك لسه عايشه جوايا غلاك

مهما تعمل وتبعد انا ياحبيبى صدقنى لسه بهواك

الله يسامحك اتحمل جرحك ويارب بقى انساك

يارب انساك يارب انساك