اتيكيت التعامل بين الازواج داخل وخارج المنزل

من طرف **خاشعة لله** 22/11/2010, 11:01 pm

اتيكيت التعامل بين الازواج داخل وخارج المنزل
والنقاط المهمة لتعامل بيننا وازواجنا داخل وخارج المنزل نتفادى اى احراج للطرفين
وشرح النقاط ومناقشتها

نتكلم اولا عن خارج المنزل

كل واحده فينا بتحب تخرج مع جوزها وأولادها خروجه حوة ونفسها تلف معاهم الدنيا وطبعا نحب تبقى كل خروجاتنا جميلة لا تشوبها اى شوائب
يعنى لا عكننة ولا مشاكل ولا نآر
وعلشان نقدر نوصل بخروجاتنا مع بعض كده
فيه بعض النقاط المهمة اللى لازم نراعيها
هنقسم الخروجات ل:
خروجه عائليه
(يعنى مع زوجك واولادك )
خروجات منوعه
( يعنى عزومات وزيارات عائليه )

الخروجه العائليه

*بدايه الخروج:

- اختارى وقت مميز لطرح الفكرة
لما تيجى تحددى موعد للخروج اختارى وقت كويس تتكلمى مع زوجك فيه يعن ما يبقاش مشغو او جاى من برة مضايق وتقويله انا عايزة اخرج و تحسسيه انه أمر مفروض عليه

- اختارى البس اللى يرتاحله ويحب يشوفك لابساه
بعد ما جوزك يوافق وتمام
يعن متروحيش تلبسى حاجه مش عاجباه او مش مرتاحلها وانتى بتختارى خدى رأيه الرجاله بتحب كده اوى
- متكتريش مكياجك
يعنى لو مش بيحب انك تحطى مكياج بلاش مش ضرورى منه ولو بتحطى مكياج فى الخوج متكتريش
ليه
علشان متبقيش حلوة اوى والناس تبصلك وتتنحلك و يبقى ماشى جنبك كل الناس بتبصلك ويضايق ويفضل طول ماهو ماشى يئنبك على اللى انتى عاملاه
-المكان
سيبيه يحدد المكان ولو مش عاجبك قوليله طب ايه رايك لو روحنا المكان الفلانى انا بحبه او لانه لينا انا وانت ذكرى حلوة فيه وفكره بيها
وهو اول واحد هيجرى عليه

* منتصف الخروجه:

- وصلتو المكان اللى اتفقتوا عليه
وليكن مطعم
- طبعا اول ما تقعدو متستنيش انه يطلع الكرسى اودام شويه ممكن ميكنش واخد باله اقعدى عادى متبوظيش الخروجه ولما قعدى اقعدى اودامه فى المقابل ولو فى اولاد خليهم يقعدو برة وتقعدى انتى جوه علشان محدش يخبط فيكى وهو معدى وكمان علشان الاطفال يبقى سهل ليهم الحركة

- طبعا هو اللى ياخد المنو اول وخليه يختار وبعد كده هو اللى هياخد رايك

- لما الاولاد يتشاقو بلاش تزعقى وتعلى صوتك كفايه بصه منك تقعدهم ساكتين

- وقت دفع الحساب متبديش اى رد فعل تجاه ان الفاتورة غاليه او رخيصه

وليكن هتتمشوا تتفرجوا على المحلات

- لو انتى حاطة فى دماغك تشترى حاجه لازم تعرفيه انك هتشترى علشان مايفكرش انك بتحطيه اودام امر واقع
ويبقى مش عامل حسابه فى فلوس بزياده ويضايق ويعكنن عليكى

- متحاوليش تقفى اودام الباترينات كتير طالما مفيش حاجه شداكى فيها

- متفاصليش لو هتشترى حاجه لان الرجاله مش بتحب الفصال
وبينى وبينكم الفصال قله قيمه
هتفاصلى فى كام فى 5 او 10 او حتى 20 جنيه متستاهلش والله

وليكن هتقعدوا على الكورنيش

يا سلام على القعده على الكورنيش والهوا
وانا وحبيبى سوا
يحلى الكلام واسترجاع الذكريات الجميلة

واسيبكم انا عند الذكريات الجميلة

من طرف ???? 6/8/2011, 6:13 am

الست المصريه لو قعدت ع الكورنيش هتقوله تاكل ايه بكره يا عبد العال مش هتفكر ف الذكريات الجميله [ندعوك للتسجيل في المنتدى أو التعريف بنفسك لمعاينة هذه الصورة]
وفى الفصال الستات متتوصاش بكده بس ع معتقد هو اللى هيفاصل عشان يوفر لنفسه خصوصا فى الغلا اللى احنا فيه ده [ندعوك للتسجيل في المنتدى أو التعريف بنفسك لمعاينة هذه الصورة]
تسلمى يويا ع المعلومات الجميله [ندعوك للتسجيل في المنتدى أو التعريف بنفسك لمعاينة هذه الصورة]

اتيكيت التعامل بين الازواج داخل وخارج المنزل

اتيكيت التعامل بين الازواج داخل وخارج المنزل

رد: اتيكيت التعامل بين الازواج داخل وخارج المنزل