اكتر المواقف المحرجه فى العالم

من طرف **خاشعة لله** 22/11/2010, 2:24 pm

السلام عليكم
اخباركم ايه
يارب تمام كلكو

مش هطول عليكو
طبعا كلنا بنتعرض لمواقف محرجه جدا
دي بقى اكتر مواقف محرجه ممكن نتعرضلها في العالم

1- انك تكون ماشى واثق اوى من نفسك (منفوخ) وفجأة تتكعبل وتقع على وشك قدام الناس وخصوصا لو انت ولد وبتعاكس في البنات هيبقى شكلك ----------ماقولكش بقى

2- انك تكون واقف قدام عربية متفيمة وتقعد تعدل فى هدومك وشعرك.وتفتح واحدة القزاز من جوة وتهزأك.

3- انك تكون واقف تكلم واحد وتكتشف انه بيكلم واحد واقف وراك.

4- انك تكون داخل محل او مكان كله قزاز وتخبط وشك فى القزاز وانت كنت فاكرة طريق.

5- انك تكون واقف مع واحدة زميلتك ويجى واحد صاحبك من وارك ويديلك قلم على قفاك........(جامدة اوى دى).

6- انك تقعد تتكلم عن حاجة وتبين انك عارف كل حاجة عنها .وفجأة يبان انك حمار ومش عارف اى حاجة.

7- انك تقعد تتكلم مع واحد فترة طويلة وبعدين تكتشف انه نام منك.

8- انك تكون نايم فى محاضرة والدكتور يوقفك ويسالك ويهزقك .

9- انك تكون واقف قدام مراية وقاعد تعمل حركات عبيطة ويعدى عليك واحد ويشوفك وانت قاعد تعمل كدة.

10- انك يقابلك واحد انت مش عارفه ويقعد يسلم عليك ويبوس فيك ويقولك انت مش فاكرنى ولا ايه.وانت ولا تعرفه.(الموقف محرج للاتنين )

انك تبقى بتقول حاجه لسه عارفها وواحد يجي يقولك -هاهاها قديمه-
انك تبقى رايح تتخانق مع واحد ومتحمس والناس قاعده تهدي فيك -وتقوم واقع على الارض -

انك تبقى بتتكلم مع حد ويقوم قافل في وشك التلفون

وكفاية كدة احراج انا احرجت معاكو بصراحه ههههههه
يارب يكون الموضوع عجابكو
تحيااااااااااااااااتي