عشان محدش يضحك عليك لو جالك عقد عمل بره مصر- الغربة بين المسلسلات والحقيقة

من طرف ???? 24/10/2011, 12:15 am

[ندعوك للتسجيل في المنتدى أو التعريف بنفسك لمعاينة هذا الرابط]
أنا بتكلم معاكم بحكم الغربة.. دلوقت لأنكم أخوات في الله أحب أنصحكم نصيحة لوجه الله
[ندعوك للتسجيل في المنتدى أو التعريف بنفسك لمعاينة هذا الرابط]
أسفة الموضوع طويل لكن صدقوني أن شاء الله هتستفيدوا..
[ندعوك للتسجيل في المنتدى أو التعريف بنفسك لمعاينة هذا الرابط]
وخلاصة تعب وتجربة بنقلها ليكم بكل الصدق

تنويه بسيط:
انا بتكلم عشان ولاد بلدي ميتغربوش علي الفاضي ومحدش يضحك عليهم ولا
يبهدلهم .. ويعدي سنيين عمرهم زينا ومعملوش شئ لبكره والأسم مسافر بره
ومعها والحقيقة ان الحمد لله ستر ربنا بالدنيا وكمان انا بتكلم علي اللي
بيسافر تبع شغل خاص " اما اللي بيسافر تبع الحكومة دي شئ تاني"

انت
مجربتش لما تعترض علي الراتب ولا تقول لأ يقولك هسفرك بكره هو انت لاقي في
بلدكم - لما تحب تجيب مراتك او اولادك ويكون الأمر بطلوع الروح وبهدله..
تبقي الأهانة وحشة لما تصدر من نفس جنسيتك لأنه عارف ان الوضع مش كويس "انا
بحكي من خلال مواقف مرت علينا كمغتربيين"

عشان كده كتبت الموضوع .. عشان لما نتعاقد علي شغل نتعاقد صح ومحدش يلوي دراعنا او يستغفلنا

ربنا يوفقكم ..الموضوع حوالي 9 مشاركات- يا رب يفيدكم
[ندعوك للتسجيل في المنتدى أو التعريف بنفسك لمعاينة هذا الرابط]

الغربة بين مسلسلات التليفزيون والحقيقة.. عشان محدش يضحك عليك لو جالك عقد عمل

[ندعوك للتسجيل في المنتدى أو التعريف بنفسك لمعاينة هذا الرابط]

هنتكلم في لحظة صدق مع بعض عن الغربة

[ندعوك للتسجيل في المنتدى أو التعريف بنفسك لمعاينة هذا الرابط]

اولا
كنا بنشوف الممثليين زمان يعملوا مسلسلات ويشجعوا الأنسان اللي بيفضل في
بلده ومش بيهرب منها ويسافر للخارج ويحسسونا ان اللي بيسافر بره عشان
الفلوس أنسان مش كويس.. وصفات كثيرة وانه هرب من المسئولية وحاجات كده

[ندعوك للتسجيل في المنتدى أو التعريف بنفسك لمعاينة هذا الرابط]

وبعدين
تيجي مسلسلات تانية تظهر لنا ان اللي مسافر بره دي بيترمي الفلوس عليه من
كل ناحية وانه بيمشي علي الألماظ والدهب والياقوت وبيكوش فلوس كل يوم ويجري
هنا وهناك وبيتفسح يا شباب وبيجيب فلوس من الهوي وعنده عربية وشقة واخر
شياكة .. وفي الأخر يطلع متصور جنب عربية واقفة عن هايبر ماركت
[ندعوك للتسجيل في المنتدى أو التعريف بنفسك لمعاينة هذا الرابط]

وغيره قاعد في بلده مش لاقي الهوي حتي ياكله او يشربه
[ندعوك للتسجيل في المنتدى أو التعريف بنفسك لمعاينة هذا الرابط]

ويجي
الفانوس السحري يحقق أحلامك بالسفر ودي يكون عن طريق يأما أخوك او جارك او
صاحبك او شخص ابن حلال يبعتلك تسافر او انك تتدفع مبلغ وقدره وتبيع اللي
وراك واللي قدامك عشان تسافر

طيب فين الحقايق؟؟[ندعوك للتسجيل في المنتدى أو التعريف بنفسك لمعاينة هذا الرابط]

السفر
شئ مفيد وجميل جدا وفيه فوايد كتير جدا وممكن يكون السفر دي علمي عشان
تكمل رسالتك العلمية وممكن يكون سفر للعلاج أو سفر للترفية وأنواع كتيرة من
السفر

كلامنا هنا هيكون علي اللي مسافر عشان يعمل بيت وأسرة ويكون نفسه ويحقق طموحه بأنه يكون معه فلوس
وطبعا موضوع العقود دي يخص فئات
معينة يعني انا مش بتكلم علي العمال او النجاريين او ما شابه وغيرهم لأني
دي فئة أخري ولها وضع معين معروف انهم لا يصحبوا زوجاتهم وأيضا محدد ليهم
قيمة رواتب معينة مع أختلافات بسيطة بمعني أخر يوجد ما يسمي العرف
والقوانيين الخاصة بهم
[ندعوك للتسجيل في المنتدى أو التعريف بنفسك لمعاينة هذا الرابط]

قال
سبحانه: (إِنَّ الَّذِينَ تَوَفَّاهُمُ الْمَلَائِكَةُ ظَالِمِي
أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِي
الْأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا
فِيهَا ..)

الهجرة هنا تشمل معاني كثيرة من ضمنها ما يدل علي الهجرة المادية وهجرة كل ما هو سلبي في حياتنا وما إلي ذلك

وهذا
يدل علي انه مش حرام ان الشخص يسعي في الأرض ولا هو أنسان مش كويس انه
بيحاول يبحث عن مصلحته ومصلحة أسرته ومصلحة بيته بما يرضي الله خارج بلده
لأن ظروف بلده لا تسمح بذلك

سؤال انت عايزة تسافري ليه؟؟؟ دي من الأسئلة المهمة جدا اللي لازم تكوني عارفة أجابتها

[ندعوك للتسجيل في المنتدى أو التعريف بنفسك لمعاينة هذا الرابط]

من طرف ???? 24/10/2011, 12:16 am

[ندعوك للتسجيل في المنتدى أو التعريف بنفسك لمعاينة هذا الرابط]
هتسافري لأنك عايزة تهربي من المشاكل الخارجية اللي حواليك في كل مكان .. أحب أبشرك[ندعوك للتسجيل في المنتدى أو التعريف بنفسك لمعاينة هذا الرابط] ان كل مكان وفيه المشاكل الخاصة به .. اذا كنت تقدري تحلي مشاكلك وعندك القدرة علي ذلك يبقي لا داعي لأي سفر ولا غربة

طيب لا تستطيع حل هذه المشاكل وعايزة تسافري يبيقي لازم متتبهدليش في سفرك ودي هنشرحه لاحقا [ندعوك للتسجيل في المنتدى أو التعريف بنفسك لمعاينة هذا الرابط]

المرتب
مش مكفي والحال المادي صعب جدا ومتبهدليين ومشقادريين علي مصاريف البيت
ولا الأولاد ولا تجهز الشقق ولا الشاب قادر يكون نفسه ولا حاله ولا قادر
يتجوز

نصيحة حاول تلاقي مشروع او تشوف حل تزود به دخلك قدر الأمكان لأن السفر ليس دائما الحل المناسب

طيب نفرض بقي انك ملاقتش طريقة هتعمل أيه؟؟؟

الحل السحري أن حد يبعتلك علي سفر او انك تتدفع فلوس وتسافر

حد يبعتلك فيزا وتسافر ببلاش مثلا مش أي حد ممكن يعملها (مبقاش شئ ببلاش الأيام دي) طيب هتتدفع فلوس عشان تشتري فيزا

الأسعار ما شاء الله رهيبه تصل ل 15,000 جنيه وأكتر وتزيد ل 20,000 واكتر حسب المكان اللي هتختاره

هتبيع
اللي وراك واللي قدامك عشان تسافر علي أمل انك هتسدهم ..طيب ممتاز التفكير
دي لكن أيه اللي يعرفك ان العقد أو الفيزا او الشغل اللي أنت مسافر عليه
يناسب وهتقدر تسد ومترجعش مديون وميتقالش عليك (لا طلت بلح الشام ولا عنب
اليمين) وحتي اللي بيكرهك ميقولش عليك كلام يودي في داهية ويخنقك ويبكتك
بكلام يجرحك

يبيقي
لازم تفهم أنت مسافر فين ورايح فين؟؟؟ وتعرف انت هتعمل أيه؟؟ وهتكسب وتوفر
ولا لأ؟؟؟ أمور كتيرة هنوضحها قدر الأمكان ولوفي شئ ضاع منا نرجو التذكير[ندعوك للتسجيل في المنتدى أو التعريف بنفسك لمعاينة هذا الرابط]

انا جتلي رسايل كتير عن السفر وهل العقد الفلاني مناسب ولا لأ وهل العقد اعلاني كويس ولا لأ؟؟

الموضوع دي هعرفكم أزاي تعرفوا تفكروا في حلم السفر ويكون ممتاز وتستمتعوا بالحلم فعلا وتعيشوا الواقع بجد
[ندعوك للتسجيل في المنتدى أو التعريف بنفسك لمعاينة هذا الرابط]

نصيحة
مني لوجه الله أولا أستنفذ كل الطرق اللي تخليك تعيش في بلدك عيشة كويسة
يعني حاول تبحث عن كل الطرق اللي تخلي دخلك مناسب وتعيش عيشة كريمة في بلدك

[ندعوك للتسجيل في المنتدى أو التعريف بنفسك لمعاينة هذا الرابط]

من طرف ???? 24/10/2011, 12:18 am

[ندعوك للتسجيل في المنتدى أو التعريف بنفسك لمعاينة هذا الرابط]
والفلوس
اللي هدبرها عشان تشتري بيهم فيزا شوف مشروع يساعدك وياريت تبحث عن مكان
تعمل فيه مشروع ومتروحش تبيع المياه في حارة الساقيين يعني مش لازم المشروع
يكون جنب البيت مثلا ولا في نفس المنطقة ممكن في بلد تانية " ادرس السوق
وشوف اللي حواليك" (الرزق يحب اللي يدور عليه (الخفية يعني))

[ندعوك للتسجيل في المنتدى أو التعريف بنفسك لمعاينة هذا الرابط]

انا بقول الكلام دي لأن بلدنا أولي بالمجهود بتاعنا اكتر من أي بلد أجنبية ...

[ندعوك للتسجيل في المنتدى أو التعريف بنفسك لمعاينة هذا الرابط]

لأن أي
مكان خارج مصر الشغل فيه طحن يعني بتعمل بلا رحمة يعني الشغل شغل فعلا
وبتبذل مجهود يعادل ما تبذله في بلدك وبتكون النتيجة ان البلاد الأخري
بتتقدم وبلدنا في تأخر

اسباب تأخر بلدنا متعددة ولا مجال لسرد هذا الأمر هنا ... يمكن في موضوع أخر
[ندعوك للتسجيل في المنتدى أو التعريف بنفسك لمعاينة هذا الرابط]

وعلي فكرة انا مش بحكي الكلام دي عشان الناس متسافرش لأ انا بحكي عشان بهدلتك تكون بتمن وكمان محدش يضحك علينا أويستغلنا

علي
فكرة في بعض الأشخاص (وللأسف ساعات بيكون مصريين زينا) بتستغل الأوضاع
الأقتصادية في بلدنا و وتقدم عروض سفر غير مناسبة وبأقل الرواتب (دي أبسط
كلمة تعبر عن الأمر) والناس بتوافق لضعف الدخل الأقتصادي في بلدنا وللهروب
والبحث خارج المكان (كل واحد ادري بظروفه)

وفي بعض الأحيان بتكون العروض وهمية ونظام نصب

ويضيع حلم السفر
[ندعوك للتسجيل في المنتدى أو التعريف بنفسك لمعاينة هذا الرابط]

نرجع تاني بخصوص الغربة[ندعوك للتسجيل في المنتدى أو التعريف بنفسك لمعاينة هذا الرابط]

عايزة
أقول أن في الدنيا مفيش كل شخص بياخد كل شئ يعني هتغترب هتلاقيك فجأة
بتتدفع مقابل هذه الغربة تنازلات أخري وعلي فكرة مش شرط هذه التنازولات
تكون مادية لكن ممكن تكون البُعد عن أقرب الناس لك زي الأم والأب (يمكن ان
تفقدهم او تفقد احدهم وانت بعيد.. شعور قاسي جدا علي النفس ولا يمكن تتخيله
ولا يشعر به الإ من مر بالتجربة)

[ندعوك للتسجيل في المنتدى أو التعريف بنفسك لمعاينة هذا الرابط]

ممكن
ظروف سفرك لا تسمح انك تاخد اسرتك معاك وانك لازم تسافر بمفردك وفجأة تمر
السنيين ويكبر الأولاد ومجرد وجودك في البيت خلال الأجازات لا يمثل سوي
عائق وكره لمجرد نزولك الأجازة لأنك تحاول ان تجبرهم ان يشعروا بوجودك وان
يغيروا حياتهم خلال شهر الأجازة لمجرد وجودك في البيت أوتكون انت بالنسبة
لأولادك مجرد بنك متحرك للفلوس فقط لا غير

ممكن مع سفرك وبعد ما ترجع تجد نفسك نكرة في حياة غيرك وان محدش يعرفك ودي شعور قاسي جدا...

ياريت
محدش يقول دي عشان اللي بيسافر بيقعد وانا لو جالي السفر هسافر سنتيين نكون
نفسنا ونرجع علي طول دي غير صحيح مبدأ الأنسان في حياته (دي طبيعة بشرية..
البحر يحب الزيادة وانهاردة انا بعمل لنفسي بكره لأولاد واذا متعتبش وانا
شاب هتعب امتي وهكون نفسي وأمور كتيرة)

[ندعوك للتسجيل في المنتدى أو التعريف بنفسك لمعاينة هذا الرابط]

أذن انت صاحب القرار في هذا الموضوع

واللي يناسبك لا يناسب غيرك
[ندعوك للتسجيل في المنتدى أو التعريف بنفسك لمعاينة هذا الرابط]

من طرف ???? 24/10/2011, 12:20 am

[ندعوك للتسجيل في المنتدى أو التعريف بنفسك لمعاينة هذا الرابط]
طيب نفترض الأن جالك عقد عمل في مكان كيف تحكم انه ممتاز؟؟؟!!
[ندعوك للتسجيل في المنتدى أو التعريف بنفسك لمعاينة هذا الرابط]

أولا : ما هي مهمتك الوظيفية

أولا
تعرف مهامك الوظيفية أيه يعني هتشتغل أيه؟؟؟ وهل الشغل يناسب قدرتك
البدنية والذهنية ولا لأ؟؟ يعني مثلا متروحش تشتغل شيال وانت صحتك علي قدك
هتفقد صحتك بعد فترة بسيطة وتصرف ما جمعته من أموال علي صحتك ومحدش هينفعك

يعني
مثلا تكون كيميائي وتشتغل في مكان لا يراعي أدني وسائل السلامة والأمان
وخلال سنة ولا اتنيين تصاب بمرض صعب وتصرف اللي جمعته علي مرضك يبيقي دي مش
صح

مفيش شئ يعوض الصحة[ندعوك للتسجيل في المنتدى أو التعريف بنفسك لمعاينة هذا الرابط]

أذن لازم تتأكد أن المهنة تناسبك وتناسب جميع قدراتك

ثانيا: الأمور المادية

أولا لازم الاسئلة التالية يكون لها أجابات

*
السكن من ضمن الراتب ولا علي الكفيل اوعلي الشركة اللي هتسافر لها؟؟؟
أسعار السكن كام وفين الأماكن الغالية والرخيصة؟؟؟ عشان لو في حالة ان
السكن هيكون عليك يبيقي لازم تعرف هتدفع كام وهيتبقي كام في الراتب؟؟؟
[ندعوك للتسجيل في المنتدى أو التعريف بنفسك لمعاينة هذا الرابط]

*
هل في وسيلة أنتقال سيارة مثلا؟؟ مين هيوفرها لك هل الشركة هتوفرها او لو
مش هتوفرها هتجيب هناك سيارة تتحرك بيها ولا هيكون هناك بدل تنقل داخل
البلد (طبعا للي ميعرفش في بعض البلدان زي دول الخليج .. أجرة التاكسي
غالية وكمان الحركة بدون عربية مأساة لا يمكن تخيلها.. ومش معقولة هتدفع
ربع الراتب أو أكتر عشان تقدر تتحرك وتخرج.. واللي هيقول لأ هنقعد في البيت
طبعا ما شاء الله دي خفة دم رهيبها[ندعوك للتسجيل في المنتدى أو التعريف بنفسك لمعاينة هذا الرابط])
[ندعوك للتسجيل في المنتدى أو التعريف بنفسك لمعاينة هذا الرابط]

*أسعار تذاكر الطيران علي مين؟؟ لأنها لو عليك يبيقي معني كده انك لازم تحوش من راتبك تذاكر الطيران وفي بعض الأحيان بتكون غالية؟؟؟
[ندعوك للتسجيل في المنتدى أو التعريف بنفسك لمعاينة هذا الرابط]

*
مصاريف اقامتك في البلد علي مين؟؟؟ يعني في مبلغ بيتم دفعه نظير وجودك في
البد بيكون كام ومين هيدفعه؟؟؟ لأنك لو هتدفعه من راتبك.. لازم تعمل
حسابك؟؟؟
[ندعوك للتسجيل في المنتدى أو التعريف بنفسك لمعاينة هذا الرابط]

* أسعار الأكل والشرب داخل البلد هل هي بشكل عام غالية ولا مكلفة ولا رخيصة؟؟؟ وكام مصروف البيت في المتوسط؟؟؟ دي يختلف من بلد لبلد

[ندعوك للتسجيل في المنتدى أو التعريف بنفسك لمعاينة هذا الرابط]
* لو عايز تستقدم زوجتك و أولادك هل دي سهل ولا لأ؟؟؟ الحد الأدني للراتب كام عشان تقدر تستقدمهم؟؟؟ بعض البلدان لها أشترطات؟؟؟
[ندعوك للتسجيل في المنتدى أو التعريف بنفسك لمعاينة هذا الرابط]

* عندك أولاد؟؟؟ مصاريف المدارس والألتزامات وما شابه؟؟
[ندعوك للتسجيل في المنتدى أو التعريف بنفسك لمعاينة هذا الرابط]

*
لو مش هتقدر تجيب أسرتك هتقدر تنزل تشوفهم كل قد أيه؟؟ مدة الأجازات اللي
تقدر تاخدها وهل كل سنة تقدر تنزل ولا كل سنتيين ولا كل اربعة سنيين؟؟؟
[ندعوك للتسجيل في المنتدى أو التعريف بنفسك لمعاينة هذا الرابط]

*
هل لو العقد اللي جاي لك متوسط وممكن تقبله بس لازم مساعدة زوجتك لك ماديا
ولازم تخرج تشتغل هي كمان عشان تقدروا تعيشوا في البلد سوي مع أولادك
ومتتفرقوش كل واحد في بلد هل سهل عملها وما هي الحلول المتاحة وهلي هيكون
شغلها علي حساب تربية أولادك ومتابعتهم ولا لأ؟؟؟
[ندعوك للتسجيل في المنتدى أو التعريف بنفسك لمعاينة هذا الرابط]

وطبعا
الأهم انك تسأل شخص آمين ساكن في البلد اللي أنت هتسافر لها عن الوضع
المادي وكام يناسب كراتب عشان متكونش أبعد من المطلوب ولا ترفض وضع يكون
كويس ومناسب ليك (هنرج نأكد الأوضاع المادية والرواتب مختلفة من بلد لبلد)

ما شاء الله المنتديات والناس اللي مسافرة ممكن تفيد

[ندعوك للتسجيل في المنتدى أو التعريف بنفسك لمعاينة هذا الرابط]

من طرف ???? 24/10/2011, 12:21 am

[ندعوك للتسجيل في المنتدى أو التعريف بنفسك لمعاينة هذا الرابط]
* هل في أحتمال ان الشركة اللي
انت هتروح عليها تعمل زيادة في الرواتب او تعديلات مادية سنوية او كل مدة
معينة بحيث ان الأسعار بتتغير من وقت لوقت وبيحدث غلاء وارتفاع في
الأسعار؟؟؟
[ندعوك للتسجيل في المنتدى أو التعريف بنفسك لمعاينة هذا الرابط]

* العلاج الطبي علي مين؟؟ التأمين الصحي والمتابعة الطبية (ربنا ياذن بالخير دائما) هتكون علي مين؟؟؟

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]

طبعا الموضوع كبير وطويل

يبيقي لازم يكون هناك مثال للموضوع عشان نقدر نفهم بيكون ازاي الحسابات
[ندعوك للتسجيل في المنتدى أو التعريف بنفسك لمعاينة هذا الرابط]

هاخد مثال لدولة قطر(وقيسوا علي نفس المبادئ مش نفس المبلغ) باقي البلدان العربية وغير العربية

[ندعوك للتسجيل في المنتدى أو التعريف بنفسك لمعاينة هذا الرابط]

ودي من أهم النقاط جالك عقد ومكتوب في العقد ان الراتب هيكون 5000 ريال مثلا أحنا كمصريين أولا شئ بنعمله علي طول نقول

5000X1.5=7500

يبيقي أذن انا هاخد 7500 جنيه مصري ياااااااااااااااااه دي مبلغ انا مقدرش أحصله في مصر واووووووووووو دي طاقة القدر وانفتحت يا شباب
[ندعوك للتسجيل في المنتدى أو التعريف بنفسك لمعاينة هذا الرابط]

طيب تعالوا نحسبها واحدة واحدة

هتكلم ان جوزك عايز يسافر
[ندعوك للتسجيل في المنتدى أو التعريف بنفسك لمعاينة هذا الرابط]

هنفترض انك متزوج

قوانيين
البلد أقل راتب لاستقدام الزوجة هو 7000 ريال أذن لا تستطيع أن تستقدم
زوجتك الإ ببعض الطرق الغير صحيحة (يعني اتفاق صوري بينك وبين الشركة انها
تعملك اوراق مش صحيحة تقدر تجيب بها زوجتك ومش كل الشركات ممكن تعمل كده)

[ندعوك للتسجيل في المنتدى أو التعريف بنفسك لمعاينة هذا الرابط]

الكفيل بيقول ان عليه سكنك وانت أعزب اما بالنسبة لسكنك وانت متزوج مش مسئوليتي يبيقي أذن الراتب دي هيكون منه السكن؟؟

طيب
فرضنا انك سألت علي السكن طلع ان الأستديو (دي غرفة ومطبخ وحمام) بحوالي
2500 ريال مثلا معني كده ان الراتب هيتصرف منه نصه سكن والنص التاني هيكون
من مصريف البيت والتحويش (لأننا مسافرين في غربة مش بنهزر يعني.. بفضل الله
نحاول يكون هناك عائد منها مادي ومعنوي)

[ندعوك للتسجيل في المنتدى أو التعريف بنفسك لمعاينة هذا الرابط]

طيب
وسيلة التنقل (هل الكفيل هيوفر لك سيارة ولا لأ.. او هيعطيك بدل أو لأ؟؟
نفترض انه قال لك ان هيوفر وسيلة تنقلك من بيتك للشغل والعكس ام خروجات
وخلافه مش مسئوليته

[ندعوك للتسجيل في المنتدى أو التعريف بنفسك لمعاينة هذا الرابط]

هيظل انك هتدفع مصاريف نقل لو احتاجت تشتري أي شئ او لو حصل ظروف ولازم تروح مكان ودي مبلغ مش قليل

[ندعوك للتسجيل في المنتدى أو التعريف بنفسك لمعاينة هذا الرابط]

من طرف ???? 24/10/2011, 12:21 am

[ندعوك للتسجيل في المنتدى أو التعريف بنفسك لمعاينة هذا الرابط]
طيب هصرف كام من 2500 ريال اللي فاضليين من الراتب بعد السكن

عندك مصاريف مياه وكهرباء= نقول 200 ريال .. دي في المتوسط مثلا

مصاريف
اكل وشرب (تسأل الناس هل الأسعار الخاصة بالأكل والشرب رخيصة ولا غالية)
يعني متوسط مصاريف الأكل والشرب للأسرة هنقول من غير أولاد مثلا ممكن تصل
1500 ريال مثلا يمكن أزيد من هذا المبلغ يبقي المجموع 1700 ريال يبيقي أذن
باقي من المبلغ 2500 ريال بعد كل هذا 800 ريال

[ندعوك للتسجيل في المنتدى أو التعريف بنفسك لمعاينة هذا الرابط]

كل دي لم نقطع منه مصاريف التنقل داخل البلد او مصاريف الأتصال بأهلك وخلافه

أذن تقدر تحوش مبلغ 9600 ريال خلال السنة نيجي للنقطة الأخري

طيب
تذاكر الطيران علي مين؟؟؟ لو افترضنا انها عليك كشخص متوسطة تكلفة تذكرة
الطيران الواحدة تساوي 1600 ريال في بعض أيام السنة ولشخصيين 3200 ريال
تقريبا أذن تذكرة الطيران تساوي تحويش أربع شهور في السنة؟؟!!! دي من غير
هدايا ومن غير أي شئ

[ندعوك للتسجيل في المنتدى أو التعريف بنفسك لمعاينة هذا الرابط]

يتبقي من التحويش 6400 ريال

طبعا انا بتكلم عن زوج وزوجة مش بتكلم عن أولاد ومدراس ومصاريف كل ما زادت المسئوليات ارتفع الأنفاق بالتباعية
[ندعوك للتسجيل في المنتدى أو التعريف بنفسك لمعاينة هذا الرابط]

ولما ننزل مصر
[ندعوك للتسجيل في المنتدى أو التعريف بنفسك لمعاينة هذا الرابط]

الكل
يتكلم ويقول واوووو دي جاي من بره دي علي قلبه قد كده؟؟؟ تعرفوا الملبغ دي
لا يساوي ما ستقوم بصرفه في بلدك لأن بعض الناس اللي مسافرة بره هيكون
عايز يوضح ان فكرته للسفر كانت صح رغم أنف الجميع هيصرف ويصرف

او بعضهم مش عايز يخلي اللي حواليه يحس انه مش اقل منهم

او ينزل يلاقي أصحابه اللي في مصر عملوا حاجات كتير يبدأ يبيين انه معاه و يصرف ويصرف عشان يحس انه مش أقل منهم وميعملش شئ لمستقبله

[ندعوك للتسجيل في المنتدى أو التعريف بنفسك لمعاينة هذا الرابط]

أنا بحكي الكلام دي عشان الأمور تكون واضحة ام حق القرار انك تسافر او تقعد او ان العقد دي يناسبك او لا يناسبك دي قرار لك انت وحدك
[ندعوك للتسجيل في المنتدى أو التعريف بنفسك لمعاينة هذا الرابط]

في
نقط احب احكيها من باب العلم بالشئ اذا طلبت من حد عزيز يسفرك ولم يستطيع
ان يساعدك في تحقيق حلم السفر ممكن يكون لأحدي الأسباب التالية

· بعض البلدان لا تفضل استقدام النساء بمفردها- وتفضل استقدام الرجل لشغل نفس المهنة الخاصة بالست

· في بعض الأحيان مؤهلك غير مطلوب في بلد معينة

· الرواتب المعروضة في مجال مهنتك لا تناسبك ولا تناسب وضعك

· سنك غير ملائم للسفر (بعض العقود او الوظايف تطلب سن معين)

· أسباب كتيرة يعني لو الشخص دي مجبش شغل أسأله وخليك صريح وأطلب منه يكون صريح معاك عشان محدش يظلم شخص بدون سبب

طيب
لو عندك عقد او وظيفة وعايز تعرضه علي حد من باب الأمانة أنك توضح كل
الأمور الخاصة بالموضوع والشخص الذي يرغب في السفر هو صاحب القرار وهو أدري
بظروفه وهو من يحدد لو كان الوضع يناسبه أم لا

نصيحة محدش ياخد قرار لحد (كل واحد مسئول عن نفسه)

[ندعوك للتسجيل في المنتدى أو التعريف بنفسك لمعاينة هذا الرابط]

من طرف ???? 24/10/2011, 12:24 am

[ندعوك للتسجيل في المنتدى أو التعريف بنفسك لمعاينة هذا الرابط]
أنا بحكي الكلام دي من دافع انك لما يجيلك عقد توزن الأمور بالعقل ومش أي شئ يخلينا نقاد ونرجع نندم علي قرار أخدنا
[ندعوك للتسجيل في المنتدى أو التعريف بنفسك لمعاينة هذا الرابط]

الغربة كربه ومرة ومش أي شخص يقدر يتحمل لازم يكون هناك مقابل

دي نصيحة لوجه الله

انا عارفة الموضوع طويل بس أتمني تستفيدوا منه
[ندعوك للتسجيل في المنتدى أو التعريف بنفسك لمعاينة هذا الرابط]

وبناءا ع رغبة صاحبة الموضوع فى ذكر المصدر لتعبها فيه تم النقل من فتكات
لإفادة الجميع

عشان محدش يضحك عليك لو جالك عقد عمل بره مصر- الغربة بين المسلسلات والحقيقة

عشان محدش يضحك عليك لو جالك عقد عمل بره مصر- الغربة بين المسلسلات والحقيقة

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة