ايه لزمة المذاكره في حياتك ؟؟؟

من طرف ???? 7/8/2011, 4:34 am

ايه لزمة المذاكره في حياتك ؟؟؟
..
..

..
..

• علاج فعال للأرق ..
بص يا ابني ..أول ما تلاقي نفسك عنيك مفنجله .. وهتموت وتنام ومش عارف ..
كل اللي مطلوب منك .. هات الكتاب .. افتحه قدامك .. بص فيه لمدة عشر دقايق
.. وبعد كده .. مفيش بعد كده انت خلاص رحت في سابع نومه

• بتزود صلة الرحم ..
أول ما تيجي تمسك الكتاب .. هتلاقي نفسك افتكرت كل
اصحابك وقرايبك اللي بقالك سنين مسألتش عليهم .. وهتجري علي التليفون .. وهاتك يا اتصال .. مش هتخلي حد متسألش عليه ..

• بتعلمك غض البصر ..
طبعا مستغرب وبتقول ازااااااااااي ؟؟
لأن المذاكره بتسد نفسك عن كل حاجه في الدنيا
بتحطك في مود كده متبقاش عارف انت مالك
بزمتك حد في المود ده هيفكر يبص لواحده ؟؟

• بتنمي عندك الخيال الابداعي ..
ودي بتحصل بقي معايا دايما .. كل الحاجات اللي بكتبها هنا في الصفحه ..
بتيجي في بالي أول ما بمسك الكتاب .. وتلاقيني قمت جري عالنت عشان الحق
اكتبها قبل ما أنساها [ندعوك للتسجيل في المنتدى أو التعريف بنفسك لمعاينة هذا الرابط]

• بتقوي الروابط الأسريه ..
لأنك وانت بتذاكر ماسك الكتاب .. باباك مبيقدرش يفتح بقه معاك
مهما كنت عامل .. لأن ببساطه مامتك هتقوله سيبه دلوقتي ده ما احنا ما صدقنا انه يذاكر
وحتي يا سيدي ولنفترض حتي انه باباك قاعد يشتم ويزعق
انت بتبقي في دنيا تانيه أصلا ولا سامع (مشغل بقي خيالك الابداعي )[ندعوك للتسجيل في المنتدى أو التعريف بنفسك لمعاينة هذا الرابط]
وبكده الأسره تعيش في حب وسعاده

• بتطلع المواهب اللي جواك ..
هنروح بعييييييييد ليه ؟؟
قوم يا ابني هات الكتاب اللي كنت بتذاكر فيه ..
وشوف كام رسمه راسمها فالصفحه .. ايشي عيون وايشي قلوب
وهتلاقي نفسك كاتب اسمك بطرق لولبيه عجيبه ..

• بتزود ثقتك بنفسويتك
فاكر المره الوحيده اللي ذاكرت فيها ؟؟
اه اللي هي من كام شهر دي
فاكر كنت عامل ازاي فالروند ؟؟
قاعد نافش ريشك وعمال تتنطط علي أصحابك
معذور بقي مهو احساس جديد عليك (محدث نعمه يعني )

من طرف **خاشعة لله** 13/8/2011, 10:13 am

هههههههههههههههههههههههههههههههه

ده انا كنت افتكر ان ملهاش فوايد خالص

بس انا اتحرمت من الفوايد العظيمه دى لان ربنا تاب عليا منها هههههههههههههههه

بس والله فعلا ده الى بيحصل

الواحد اول ما يفتح الكتاب وكأن فيه تنويم مغناطيسى

واول ما يسمع جرس الباب ولا التليفون جري يشوف مين

تلاكيك وفشل بعيد عنك ههههههههههه

بس عارفه الخيال الابداعى ده بيظهر ف ايه تانى؟؟؟

ف الامتحاانااااااااااااااات

هتلاقى احلى بدع ههههههههههههه

اول ما الواحد مبيعرفش سؤال هاتك يا تأليف وابداع ههههههههههههههههه

وهو بيعدى ببركة دعا الوالدين هههههههههه

بس فيه جمله انا مفهمتهاش

فاكر كنت عامل ازاي فالروند ؟؟
ايه الروند ده ؟

من طرف ???? 13/8/2011, 11:10 am

yoyia كتب:هههههههههههههههههههههههههههههههه

ده انا كنت افتكر ان ملهاش فوايد خالص

بس انا اتحرمت من الفوايد العظيمه دى لان ربنا تاب عليا منها هههههههههههههههه

بس والله فعلا ده الى بيحصل

الواحد اول ما يفتح الكتاب وكأن فيه تنويم مغناطيسى

واول ما يسمع جرس الباب ولا التليفون جري يشوف مين

تلاكيك وفشل بعيد عنك ههههههههههه

بس عارفه الخيال الابداعى ده بيظهر ف ايه تانى؟؟؟

ف الامتحاانااااااااااااااات

هتلاقى احلى بدع ههههههههههههه

اول ما الواحد مبيعرفش سؤال هاتك يا تأليف وابداع ههههههههههههههههه

وهو بيعدى ببركة دعا الوالدين هههههههههه

بس فيه جمله انا مفهمتهاش

فاكر كنت عامل ازاي فالروند ؟؟
ايه الروند ده ؟

الروند مكان تجمع الاصدقاء---جايه من round دائرة -- دائرة الاصدقاء يعنى ) اما نتجمع كده مع صحابنا ونكون مذاكرين كلمتين ونقعد نطنطط عليهم بالكام معلومه اللى عرفناها قال يعنى احنا فاهمين وعارفين اوى [ندعوك للتسجيل في المنتدى أو التعريف بنفسك لمعاينة هذه الصورة]
ده من خلال فهمى لمعناها فى الجمله [ندعوك للتسجيل في المنتدى أو التعريف بنفسك لمعاينة هذه الصورة]

ايه لزمة المذاكره في حياتك ؟؟؟

ايه لزمة المذاكره في حياتك ؟؟؟

رد: ايه لزمة المذاكره في حياتك ؟؟؟

رد: ايه لزمة المذاكره في حياتك ؟؟؟