علشان تكون (دحاح,حرات,موس) مذاكرة

السلام عليكم ورحمه الله وبركاته
طبعا انتوا فهمتوا الموضوع من عنوانه فخلونا ندخل فى المفيد
امممممممم
فيه ناس تذاكر ب10 ساعات ولا كانها ذاكرت ساعتين,بس فيه ناس العكس
وناس تاانى تبقى كل عيشتها دح دح دح (مذاكرة يعنى) وتبقى عينهم هتصرخ وتطلع برة من كتر المذاكرة
وغيرهم يبقوا واخدينها لعب ومنفض السنة كلها وييجوا فى الاخر يعملوا copy و paste للكتب والغريب يجيبوا درجات نار
وبردو فيه اللى يعمل نفسه فاشل ومش بتاع مذاكرة وايه تشوفه تقول مش هيعدى من السنه دى ولما يلاقى حد بيذاكر يقوله (يا عم سيبك مذاكرة ايه اللى جاى تقول عليه). وتلاقيه هو مراجع المواد بتاع 7 مرات
ونيجى بقى للفئة الاكثر انشارا وهم (ااااه مش قادر تعبت) دول بقى اللى 28 ساعة قدام الكمبيوتر والتلفزيون واول ما يشوفوا بباهم او مامتهم (حلوة الاتنين دول) يجروا على الكتاب ويعملوا مسلسل تركى (اه يا رب خليك معايا) كله ده علشان حد يقلهم كفايه قوموا ارتاحوا بس على مييييين؟ ولما ميلاقوش فرصة للهروب يقولوا (طيب اناادخل ارتاح قد ساعة كدة وصحونى) ويقفلوا على 7ساعات نوم
وفيه اللى ياخدها جد من الاول ييجى فى الاخر و
وغيرهم وغيرهم وغيرهم متعدش
المهم بقى انت او انتى مين فى دول
ويا رييت تقولنا على طريقة مذاكرتك والاهم هل انت (دحاح,حرات,موس) ولا
طريقة مذاكرتك دى عجباك وواثق منها ومتعود عليها ولا بتحب تغير<_<
بتحب ايه يا ترى الفهم مع قليل من الحفظ ولا الحفظ وقليل من الفهم ولا على حسب المادة ومعندكش مشاكل فى الاتنين
بتذاكر وانت قاعد ولا ماشى ولا طاير (بتحصل كتيييييير)
بتحب يكون فى تنافس بينك وبين زمايلك ولا ميهمكش فيه ولا لا
لما بتجيب درجة مش عجباك بتشجعك ولا تزعل وتتنكد وتاثر عليك ولا عادى
نفسك تدخل ايه
بتعمل ايه لما تبقى عايز تذاكر بس ملكش نفس
وكفاااااااااااااااااااااااااااااااايه كده يا كتاكيت وعايز اشوفكوا ماشين ازاى (اوعى ظريف يقولى ماشين برجلينا) علشان تفيدوا غيركم وتستفادوا بردو واى حد عنده مشكله فى الدراسة ان شاءالله كلنا نحاول نساعده
والسلام عليكم ورحمة الله وبركاته