منتديات أهل مصر
نورتونا يا أهل مصر و العالم كله
لو كانت دي زيارتكم الأولى للمنتدى فلقد تشرفنا بزيارتكم ونتمنى أن تسجلوا لدينا لتستفادوا من المنتدى إن شاء الله
أما إذا كنتم أعضاء في المنتدى فنرجوا منكم تسجيل الدخول
بحـث
 
 

نتائج البحث
 


Rechercher بحث متقدم

المواضيع الأخيرة
» توصيات الفوركس عبر الجوال
21/6/2013, 7:47 pm من طرف eecfc

» توصيات الأسهم السعودية عبر الجوال
21/6/2013, 7:47 pm من طرف eecfc

» دردشة أون لاين
22/6/2012, 4:08 pm من طرف Admin

» انا ابحث عن وظيفة او تدريب
22/6/2012, 4:01 pm من طرف Admin

» فضفضة الاعضاء
21/6/2012, 10:40 pm من طرف ايمان مصطفى

» مين عايزه تعمل عضويه فى ماى واى عروض هايلة وتاخدى مرتب 3000جنيه
15/6/2012, 11:41 pm من طرف جى جى 2000

» تعالو نفرفش شوية مع الصور دى
15/6/2012, 5:15 pm من طرف eslam.khodery

» رسايل لسه طازة مشفتش زيها !!
15/6/2012, 1:39 pm من طرف el general

» ......غرف نوم اكيد هتلفت انتباهكم........
14/6/2012, 10:56 pm من طرف جوجو تركى

» غرف أطفال روعـــــــــــــــة
14/6/2012, 10:54 pm من طرف جوجو تركى

» أبحث عن عمل
14/6/2012, 2:03 pm من طرف sose_aco

» كتاب الطبخ العربي شامل - اطيب الماكولات في مطبخ كايرو
14/6/2012, 11:06 am من طرف huda

» فقط إضغط على الإسم لتتعرف على أسراره
14/6/2012, 11:03 am من طرف huda

» كلمات في اللغة العربية ترد اسما وفعلا وحرفا
14/6/2012, 10:58 am من طرف huda

»  فندق مصنوع من ملح الطعام في بوليفيا!! ...
14/6/2012, 10:27 am من طرف huda


عشان محدش يضحك عليك لو جالك عقد عمل بره مصر- الغربة بين المسلسلات والحقيقة

اذهب الى الأسفل

عشان محدش يضحك عليك لو جالك عقد عمل بره مصر- الغربة بين المسلسلات والحقيقة

مُساهمة من طرف ???? في 24/10/2011, 12:15 am


أنا بتكلم معاكم بحكم الغربة.. دلوقت لأنكم أخوات في الله أحب أنصحكم نصيحة لوجه الله

أسفة الموضوع طويل لكن صدقوني أن شاء الله هتستفيدوا..

وخلاصة تعب وتجربة بنقلها ليكم بكل الصدق

تنويه بسيط:
انا بتكلم عشان ولاد بلدي ميتغربوش علي الفاضي ومحدش يضحك عليهم ولا
يبهدلهم .. ويعدي سنيين عمرهم زينا ومعملوش شئ لبكره والأسم مسافر بره
ومعها والحقيقة ان الحمد لله ستر ربنا بالدنيا وكمان انا بتكلم علي اللي
بيسافر تبع شغل خاص " اما اللي بيسافر تبع الحكومة دي شئ تاني"


انت
مجربتش لما تعترض علي الراتب ولا تقول لأ يقولك هسفرك بكره هو انت لاقي في
بلدكم - لما تحب تجيب مراتك او اولادك ويكون الأمر بطلوع الروح وبهدله..
تبقي الأهانة وحشة لما تصدر من نفس جنسيتك لأنه عارف ان الوضع مش كويس "انا
بحكي من خلال مواقف مرت علينا كمغتربيين"


عشان كده كتبت الموضوع .. عشان لما نتعاقد علي شغل نتعاقد صح ومحدش يلوي دراعنا او يستغفلنا

ربنا يوفقكم ..الموضوع حوالي 9 مشاركات- يا رب يفيدكم


الغربة بين مسلسلات التليفزيون والحقيقة.. عشان محدش يضحك عليك لو جالك عقد عمل




هنتكلم في لحظة صدق مع بعض عن الغربة





اولا
كنا بنشوف الممثليين زمان يعملوا مسلسلات ويشجعوا الأنسان اللي بيفضل في
بلده ومش بيهرب منها ويسافر للخارج ويحسسونا ان اللي بيسافر بره عشان
الفلوس أنسان مش كويس.. وصفات كثيرة وانه هرب من المسئولية وحاجات كده




وبعدين
تيجي مسلسلات تانية تظهر لنا ان اللي مسافر بره دي بيترمي الفلوس عليه من
كل ناحية وانه بيمشي علي الألماظ والدهب والياقوت وبيكوش فلوس كل يوم ويجري
هنا وهناك وبيتفسح يا شباب وبيجيب فلوس من الهوي وعنده عربية وشقة واخر
شياكة .. وفي الأخر يطلع متصور جنب عربية واقفة عن هايبر ماركت





وغيره قاعد في بلده مش لاقي الهوي حتي ياكله او يشربه




ويجي
الفانوس السحري يحقق أحلامك بالسفر ودي يكون عن طريق يأما أخوك او جارك او
صاحبك او شخص ابن حلال يبعتلك تسافر او انك تتدفع مبلغ وقدره وتبيع اللي
وراك واللي قدامك عشان تسافر




طيب فين الحقايق؟؟



السفر
شئ مفيد وجميل جدا وفيه فوايد كتير جدا وممكن يكون السفر دي علمي عشان
تكمل رسالتك العلمية وممكن يكون سفر للعلاج أو سفر للترفية وأنواع كتيرة من
السفر




كلامنا هنا هيكون علي اللي مسافر عشان يعمل بيت وأسرة ويكون نفسه ويحقق طموحه بأنه يكون معه فلوس
وطبعا موضوع العقود دي يخص فئات
معينة يعني انا مش بتكلم علي العمال او النجاريين او ما شابه وغيرهم لأني
دي فئة أخري ولها وضع معين معروف انهم لا يصحبوا زوجاتهم وأيضا محدد ليهم
قيمة رواتب معينة مع أختلافات بسيطة بمعني أخر يوجد ما يسمي العرف
والقوانيين الخاصة بهم





قال
سبحانه: (إِنَّ الَّذِينَ تَوَفَّاهُمُ الْمَلَائِكَةُ ظَالِمِي
أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِي
الْأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا
فِيهَا ..)




الهجرة هنا تشمل معاني كثيرة من ضمنها ما يدل علي الهجرة المادية وهجرة كل ما هو سلبي في حياتنا وما إلي ذلك



وهذا
يدل علي انه مش حرام ان الشخص يسعي في الأرض ولا هو أنسان مش كويس انه
بيحاول يبحث عن مصلحته ومصلحة أسرته ومصلحة بيته بما يرضي الله خارج بلده
لأن ظروف بلده لا تسمح بذلك




سؤال انت عايزة تسافري ليه؟؟؟ دي من الأسئلة المهمة جدا اللي لازم تكوني عارفة أجابتها



عدل سابقا من قبل أميرة المنتدى في 24/10/2011, 12:17 am عدل 1 مرات

????
زائر


الرجوع الى أعلى الصفحة اذهب الى الأسفل

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة

مُساهمة من طرف ???? في 24/10/2011, 12:16 am


هتسافري لأنك عايزة تهربي من المشاكل الخارجية اللي حواليك في كل مكان .. أحب أبشرك ان كل مكان وفيه المشاكل الخاصة به .. اذا كنت تقدري تحلي مشاكلك وعندك القدرة علي ذلك يبقي لا داعي لأي سفر ولا غربة




طيب لا تستطيع حل هذه المشاكل وعايزة تسافري يبيقي لازم متتبهدليش في سفرك ودي هنشرحه لاحقا



المرتب
مش مكفي والحال المادي صعب جدا ومتبهدليين ومشقادريين علي مصاريف البيت
ولا الأولاد ولا تجهز الشقق ولا الشاب قادر يكون نفسه ولا حاله ولا قادر
يتجوز




نصيحة حاول تلاقي مشروع او تشوف حل تزود به دخلك قدر الأمكان لأن السفر ليس دائما الحل المناسب



طيب نفرض بقي انك ملاقتش طريقة هتعمل أيه؟؟؟



الحل السحري أن حد يبعتلك علي سفر او انك تتدفع فلوس وتسافر



حد يبعتلك فيزا وتسافر ببلاش مثلا مش أي حد ممكن يعملها (مبقاش شئ ببلاش الأيام دي) طيب هتتدفع فلوس عشان تشتري فيزا



الأسعار ما شاء الله رهيبه تصل ل 15,000 جنيه وأكتر وتزيد ل 20,000 واكتر حسب المكان اللي هتختاره



هتبيع
اللي وراك واللي قدامك عشان تسافر علي أمل انك هتسدهم ..طيب ممتاز التفكير
دي لكن أيه اللي يعرفك ان العقد أو الفيزا او الشغل اللي أنت مسافر عليه
يناسب وهتقدر تسد ومترجعش مديون وميتقالش عليك (لا طلت بلح الشام ولا عنب
اليمين) وحتي اللي بيكرهك ميقولش عليك كلام يودي في داهية ويخنقك ويبكتك
بكلام يجرحك




يبيقي
لازم تفهم أنت مسافر فين ورايح فين؟؟؟ وتعرف انت هتعمل أيه؟؟ وهتكسب وتوفر
ولا لأ؟؟؟ أمور كتيرة هنوضحها قدر الأمكان ولوفي شئ ضاع منا نرجو التذكير





انا جتلي رسايل كتير عن السفر وهل العقد الفلاني مناسب ولا لأ وهل العقد اعلاني كويس ولا لأ؟؟



الموضوع دي هعرفكم أزاي تعرفوا تفكروا في حلم السفر ويكون ممتاز وتستمتعوا بالحلم فعلا وتعيشوا الواقع بجد



نصيحة
مني لوجه الله أولا أستنفذ كل الطرق اللي تخليك تعيش في بلدك عيشة كويسة
يعني حاول تبحث عن كل الطرق اللي تخلي دخلك مناسب وتعيش عيشة كريمة في بلدك


????
زائر


الرجوع الى أعلى الصفحة اذهب الى الأسفل

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة

مُساهمة من طرف ???? في 24/10/2011, 12:18 am


والفلوس
اللي هدبرها عشان تشتري بيهم فيزا شوف مشروع يساعدك وياريت تبحث عن مكان
تعمل فيه مشروع ومتروحش تبيع المياه في حارة الساقيين يعني مش لازم المشروع
يكون جنب البيت مثلا ولا في نفس المنطقة ممكن في بلد تانية " ادرس السوق
وشوف اللي حواليك" (الرزق يحب اللي يدور عليه (الخفية يعني))




انا بقول الكلام دي لأن بلدنا أولي بالمجهود بتاعنا اكتر من أي بلد أجنبية ...



لأن أي
مكان خارج مصر الشغل فيه طحن يعني بتعمل بلا رحمة يعني الشغل شغل فعلا
وبتبذل مجهود يعادل ما تبذله في بلدك وبتكون النتيجة ان البلاد الأخري
بتتقدم وبلدنا في تأخر




اسباب تأخر بلدنا متعددة ولا مجال لسرد هذا الأمر هنا ... يمكن في موضوع أخر



وعلي فكرة انا مش بحكي الكلام دي عشان الناس متسافرش لأ انا بحكي عشان بهدلتك تكون بتمن وكمان محدش يضحك علينا أويستغلنا



علي
فكرة في بعض الأشخاص (وللأسف ساعات بيكون مصريين زينا) بتستغل الأوضاع
الأقتصادية في بلدنا و وتقدم عروض سفر غير مناسبة وبأقل الرواتب (دي أبسط
كلمة تعبر عن الأمر) والناس بتوافق لضعف الدخل الأقتصادي في بلدنا وللهروب
والبحث خارج المكان (كل واحد ادري بظروفه)




وفي بعض الأحيان بتكون العروض وهمية ونظام نصب

ويضيع حلم السفر




نرجع تاني بخصوص الغربة




عايزة
أقول أن في الدنيا مفيش كل شخص بياخد كل شئ يعني هتغترب هتلاقيك فجأة
بتتدفع مقابل هذه الغربة تنازلات أخري وعلي فكرة مش شرط هذه التنازولات
تكون مادية لكن ممكن تكون البُعد عن أقرب الناس لك زي الأم والأب (يمكن ان
تفقدهم او تفقد احدهم وانت بعيد.. شعور قاسي جدا علي النفس ولا يمكن تتخيله
ولا يشعر به الإ من مر بالتجربة)




ممكن
ظروف سفرك لا تسمح انك تاخد اسرتك معاك وانك لازم تسافر بمفردك وفجأة تمر
السنيين ويكبر الأولاد ومجرد وجودك في البيت خلال الأجازات لا يمثل سوي
عائق وكره لمجرد نزولك الأجازة لأنك تحاول ان تجبرهم ان يشعروا بوجودك وان
يغيروا حياتهم خلال شهر الأجازة لمجرد وجودك في البيت أوتكون انت بالنسبة
لأولادك مجرد بنك متحرك للفلوس فقط لا غير




ممكن مع سفرك وبعد ما ترجع تجد نفسك نكرة في حياة غيرك وان محدش يعرفك ودي شعور قاسي جدا...



ياريت
محدش يقول دي عشان اللي بيسافر بيقعد وانا لو جالي السفر هسافر سنتيين نكون
نفسنا ونرجع علي طول دي غير صحيح مبدأ الأنسان في حياته (دي طبيعة بشرية..
البحر يحب الزيادة وانهاردة انا بعمل لنفسي بكره لأولاد واذا متعتبش وانا
شاب هتعب امتي وهكون نفسي وأمور كتيرة)




أذن انت صاحب القرار في هذا الموضوع

واللي يناسبك لا يناسب غيرك

????
زائر


الرجوع الى أعلى الصفحة اذهب الى الأسفل

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة

مُساهمة من طرف ???? في 24/10/2011, 12:20 am


طيب نفترض الأن جالك عقد عمل في مكان كيف تحكم انه ممتاز؟؟؟!!




أولا : ما هي مهمتك الوظيفية


أولا
تعرف مهامك الوظيفية أيه يعني هتشتغل أيه؟؟؟ وهل الشغل يناسب قدرتك
البدنية والذهنية ولا لأ؟؟ يعني مثلا متروحش تشتغل شيال وانت صحتك علي قدك
هتفقد صحتك بعد فترة بسيطة وتصرف ما جمعته من أموال علي صحتك ومحدش هينفعك




يعني
مثلا تكون كيميائي وتشتغل في مكان لا يراعي أدني وسائل السلامة والأمان
وخلال سنة ولا اتنيين تصاب بمرض صعب وتصرف اللي جمعته علي مرضك يبيقي دي مش
صح




مفيش شئ يعوض الصحة



أذن لازم تتأكد أن المهنة تناسبك وتناسب جميع قدراتك



ثانيا: الأمور المادية



أولا لازم الاسئلة التالية يكون لها أجابات



*
السكن من ضمن الراتب ولا علي الكفيل اوعلي الشركة اللي هتسافر لها؟؟؟
أسعار السكن كام وفين الأماكن الغالية والرخيصة؟؟؟ عشان لو في حالة ان
السكن هيكون عليك يبيقي لازم تعرف هتدفع كام وهيتبقي كام في الراتب؟؟؟




*
هل في وسيلة أنتقال سيارة مثلا؟؟ مين هيوفرها لك هل الشركة هتوفرها او لو
مش هتوفرها هتجيب هناك سيارة تتحرك بيها ولا هيكون هناك بدل تنقل داخل
البلد (طبعا للي ميعرفش في بعض البلدان زي دول الخليج .. أجرة التاكسي
غالية وكمان الحركة بدون عربية مأساة لا يمكن تخيلها.. ومش معقولة هتدفع
ربع الراتب أو أكتر عشان تقدر تتحرك وتخرج.. واللي هيقول لأ هنقعد في البيت
طبعا ما شاء الله دي خفة دم رهيبها)




*أسعار تذاكر الطيران علي مين؟؟ لأنها لو عليك يبيقي معني كده انك لازم تحوش من راتبك تذاكر الطيران وفي بعض الأحيان بتكون غالية؟؟؟



*
مصاريف اقامتك في البلد علي مين؟؟؟ يعني في مبلغ بيتم دفعه نظير وجودك في
البد بيكون كام ومين هيدفعه؟؟؟ لأنك لو هتدفعه من راتبك.. لازم تعمل
حسابك؟؟؟



* أسعار الأكل والشرب داخل البلد هل هي بشكل عام غالية ولا مكلفة ولا رخيصة؟؟؟ وكام مصروف البيت في المتوسط؟؟؟ دي يختلف من بلد لبلد


* لو عايز تستقدم زوجتك و أولادك هل دي سهل ولا لأ؟؟؟ الحد الأدني للراتب كام عشان تقدر تستقدمهم؟؟؟ بعض البلدان لها أشترطات؟؟؟


* عندك أولاد؟؟؟ مصاريف المدارس والألتزامات وما شابه؟؟


*
لو مش هتقدر تجيب أسرتك هتقدر تنزل تشوفهم كل قد أيه؟؟ مدة الأجازات اللي
تقدر تاخدها وهل كل سنة تقدر تنزل ولا كل سنتيين ولا كل اربعة سنيين؟؟؟



*
هل لو العقد اللي جاي لك متوسط وممكن تقبله بس لازم مساعدة زوجتك لك ماديا
ولازم تخرج تشتغل هي كمان عشان تقدروا تعيشوا في البلد سوي مع أولادك
ومتتفرقوش كل واحد في بلد هل سهل عملها وما هي الحلول المتاحة وهلي هيكون
شغلها علي حساب تربية أولادك ومتابعتهم ولا لأ؟؟؟


وطبعا
الأهم انك تسأل شخص آمين ساكن في البلد اللي أنت هتسافر لها عن الوضع
المادي وكام يناسب كراتب عشان متكونش أبعد من المطلوب ولا ترفض وضع يكون
كويس ومناسب ليك (هنرج نأكد الأوضاع المادية والرواتب مختلفة من بلد لبلد)


ما شاء الله المنتديات والناس اللي مسافرة ممكن تفيد


????
زائر


الرجوع الى أعلى الصفحة اذهب الى الأسفل

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة

مُساهمة من طرف ???? في 24/10/2011, 12:21 am


* هل في أحتمال ان الشركة اللي
انت هتروح عليها تعمل زيادة في الرواتب او تعديلات مادية سنوية او كل مدة
معينة بحيث ان الأسعار بتتغير من وقت لوقت وبيحدث غلاء وارتفاع في
الأسعار؟؟؟


* العلاج الطبي علي مين؟؟ التأمين الصحي والمتابعة الطبية (ربنا ياذن بالخير دائما) هتكون علي مين؟؟؟




طبعا الموضوع كبير وطويل

يبيقي لازم يكون هناك مثال للموضوع عشان نقدر نفهم بيكون ازاي الحسابات



هاخد مثال لدولة قطر(وقيسوا علي نفس المبادئ مش نفس المبلغ) باقي البلدان العربية وغير العربية



ودي من أهم النقاط جالك عقد ومكتوب في العقد ان الراتب هيكون 5000 ريال مثلا أحنا كمصريين أولا شئ بنعمله علي طول نقول



5000X1.5=7500



يبيقي أذن انا هاخد 7500 جنيه مصري ياااااااااااااااااه دي مبلغ انا مقدرش أحصله في مصر واووووووووووو دي طاقة القدر وانفتحت يا شباب




طيب تعالوا نحسبها واحدة واحدة

هتكلم ان جوزك عايز يسافر




هنفترض انك متزوج



قوانيين
البلد أقل راتب لاستقدام الزوجة هو 7000 ريال أذن لا تستطيع أن تستقدم
زوجتك الإ ببعض الطرق الغير صحيحة (يعني اتفاق صوري بينك وبين الشركة انها
تعملك اوراق مش صحيحة تقدر تجيب بها زوجتك ومش كل الشركات ممكن تعمل كده)




الكفيل بيقول ان عليه سكنك وانت أعزب اما بالنسبة لسكنك وانت متزوج مش مسئوليتي يبيقي أذن الراتب دي هيكون منه السكن؟؟



طيب
فرضنا انك سألت علي السكن طلع ان الأستديو (دي غرفة ومطبخ وحمام) بحوالي
2500 ريال مثلا معني كده ان الراتب هيتصرف منه نصه سكن والنص التاني هيكون
من مصريف البيت والتحويش (لأننا مسافرين في غربة مش بنهزر يعني.. بفضل الله
نحاول يكون هناك عائد منها مادي ومعنوي)




طيب
وسيلة التنقل (هل الكفيل هيوفر لك سيارة ولا لأ.. او هيعطيك بدل أو لأ؟؟
نفترض انه قال لك ان هيوفر وسيلة تنقلك من بيتك للشغل والعكس ام خروجات
وخلافه مش مسئوليته




هيظل انك هتدفع مصاريف نقل لو احتاجت تشتري أي شئ او لو حصل ظروف ولازم تروح مكان ودي مبلغ مش قليل



????
زائر


الرجوع الى أعلى الصفحة اذهب الى الأسفل

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة

مُساهمة من طرف ???? في 24/10/2011, 12:21 am


طيب هصرف كام من 2500 ريال اللي فاضليين من الراتب بعد السكن



عندك مصاريف مياه وكهرباء= نقول 200 ريال .. دي في المتوسط مثلا



مصاريف
اكل وشرب (تسأل الناس هل الأسعار الخاصة بالأكل والشرب رخيصة ولا غالية)
يعني متوسط مصاريف الأكل والشرب للأسرة هنقول من غير أولاد مثلا ممكن تصل
1500 ريال مثلا يمكن أزيد من هذا المبلغ يبقي المجموع 1700 ريال يبيقي أذن
باقي من المبلغ 2500 ريال بعد كل هذا 800 ريال




كل دي لم نقطع منه مصاريف التنقل داخل البلد او مصاريف الأتصال بأهلك وخلافه



أذن تقدر تحوش مبلغ 9600 ريال خلال السنة نيجي للنقطة الأخري



طيب
تذاكر الطيران علي مين؟؟؟ لو افترضنا انها عليك كشخص متوسطة تكلفة تذكرة
الطيران الواحدة تساوي 1600 ريال في بعض أيام السنة ولشخصيين 3200 ريال
تقريبا أذن تذكرة الطيران تساوي تحويش أربع شهور في السنة؟؟!!! دي من غير
هدايا ومن غير أي شئ




يتبقي من التحويش 6400 ريال



طبعا انا بتكلم عن زوج وزوجة مش بتكلم عن أولاد ومدراس ومصاريف كل ما زادت المسئوليات ارتفع الأنفاق بالتباعية




ولما ننزل مصر




الكل
يتكلم ويقول واوووو دي جاي من بره دي علي قلبه قد كده؟؟؟ تعرفوا الملبغ دي
لا يساوي ما ستقوم بصرفه في بلدك لأن بعض الناس اللي مسافرة بره هيكون
عايز يوضح ان فكرته للسفر كانت صح رغم أنف الجميع هيصرف ويصرف




او بعضهم مش عايز يخلي اللي حواليه يحس انه مش اقل منهم



او ينزل يلاقي أصحابه اللي في مصر عملوا حاجات كتير يبدأ يبيين انه معاه و يصرف ويصرف عشان يحس انه مش أقل منهم وميعملش شئ لمستقبله



أنا بحكي الكلام دي عشان الأمور تكون واضحة ام حق القرار انك تسافر او تقعد او ان العقد دي يناسبك او لا يناسبك دي قرار لك انت وحدك




في
نقط احب احكيها من باب العلم بالشئ اذا طلبت من حد عزيز يسفرك ولم يستطيع
ان يساعدك في تحقيق حلم السفر ممكن يكون لأحدي الأسباب التالية



· بعض البلدان لا تفضل استقدام النساء بمفردها- وتفضل استقدام الرجل لشغل نفس المهنة الخاصة بالست


· في بعض الأحيان مؤهلك غير مطلوب في بلد معينة


· الرواتب المعروضة في مجال مهنتك لا تناسبك ولا تناسب وضعك


· سنك غير ملائم للسفر (بعض العقود او الوظايف تطلب سن معين)
· أسباب كتيرة يعني لو الشخص دي مجبش شغل أسأله وخليك صريح وأطلب منه يكون صريح معاك عشان محدش يظلم شخص بدون سبب


طيب
لو عندك عقد او وظيفة وعايز تعرضه علي حد من باب الأمانة أنك توضح كل
الأمور الخاصة بالموضوع والشخص الذي يرغب في السفر هو صاحب القرار وهو أدري
بظروفه وهو من يحدد لو كان الوضع يناسبه أم لا


نصيحة محدش ياخد قرار لحد (كل واحد مسئول عن نفسه)



عدل سابقا من قبل أميرة المنتدى في 24/10/2011, 9:41 pm عدل 1 مرات

????
زائر


الرجوع الى أعلى الصفحة اذهب الى الأسفل

رد: عشان محدش يضحك عليك لو جالك عقد عمل بره مصر- الغربة بين المسلسلات والحقيقة

مُساهمة من طرف ???? في 24/10/2011, 12:24 am


أنا بحكي الكلام دي من دافع انك لما يجيلك عقد توزن الأمور بالعقل ومش أي شئ يخلينا نقاد ونرجع نندم علي قرار أخدنا


الغربة كربه ومرة ومش أي شخص يقدر يتحمل لازم يكون هناك مقابل

دي نصيحة لوجه الله

انا عارفة الموضوع طويل بس أتمني تستفيدوا منه



وبناءا ع رغبة صاحبة الموضوع فى ذكر المصدر لتعبها فيه تم النقل من فتكات
لإفادة الجميع


????
زائر


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى